 |
 |
|
| سسله بوندان سورا ائلیاز آدیمی ......... تاریخین کوکسونه ائل یاز آدیمی |
|
آچ پنجره نی
آچ پنجره نی پرده دالیندان بؤیلان آچ پنجره نی آی بؤیونا من قوربان
چیخ قاش ـ گؤز ائله بولود دالیندان گونشیم قؤی دونیام ایشیقلیق پایینا چاتسین آمان
سنسیز کوچه نیز بیر دؤلو غم بارداغی دیر هئی تامسینیرام تامسینیرام بارداقدان
دوش گل آشاغی دوش لریمیز دیرچلسین دوش گل قاداسی دوش لره سهمان ـ سهمان
قورتار عذابیندان منی چیلغین ،چورودوم زینداندی بو دونیا منه سنسیز زیندان
*** آچ گؤزلرینی بیر آز باخیش اؤپ گؤنده ر دونیا بؤیو نیسگیلینده قالسین "ائلیاز"
م.ائلیاز ـ 16\3\88
|
|
+ نوشته شده در
سه شنبه چهاردهم مهر 1388ساعت 14:27 توسط م.ائلیاز |
|
|
یاماندی حالیم
سنی گیزلینجه سئومک ایسته ییره م ، سئوگیلیم سئودالیم یاماندی حالیم سنین آردینجا گزمک ایسته ییره م قوْیما یالنیز قالیم یاماندی حالیم
نییه چوْخداندی بیزدن اوز چئویریب آیری سمته توتوبسان اؤز اوزونو قاتیشیب باخ! بوتون کلئفچه لریم ، قاتیشیب باخ حالیم، یاماندی حالیم
قالمیشیق اوچماق آرزیسیندا آمان ، بیر بیابان قوشو بیزیلن یؤخ ! قیناما اؤز ایچیمده لاپ چورویوب سئوگی سیز قارتالیم یاماندی حالیم
ماهنی لار غملی ـ غملی بسته له نیب، سازی بؤینومدان آسلاییب سهمان اوره ییم چوْخ سینیخدیر آی نازلیم قوْی شیکسته چالیم یاماندی حالیم
*کامئرالار دمیر ـ دمیر تیکیلیر ، دینله ییر کیمسه کی یاساق آدینی سئوگیلیم بیلمیسن نئجه دیلیمی یئنجیری قاندالیم یاماندی حالیم
سئوگیلیم سئودالیم سان اؤزگورلوک سنی گیزلینجه سئومک ایسته ییره م بیر وطنده کی ایندی بللی دئییل قالماییم یا قالیم یاماندی حالیم
م.ائلیاز ـ یای ۸۸ کامئرا: حبس خانادا دوستاقلارین سالیندیغی اوْتاقلاردان هر بیری.
|
|
+ نوشته شده در
شنبه دهم مرداد 1388ساعت 20:0 توسط م.ائلیاز |
|
|
بو غزلی اؤزگور آرزی لی ، اؤو باخیشلی اینسانلارا ایتحاف ائدیرم اولار کی گونشین مشعلینی اوره ک لرینده یانار ساخلاییرلار و گله جک ده یاشیل گونلری تانری دان دیله ییره م !.
بایراغی گونش
هارداسان بو یاز قیش دیر ، باغچالار یامان حالدا بوزلو گؤزلری توتقون ، آل قان آغلایان حالدا
بوز توتوبدو کیپریک لر ، ساللانیبدی قندیل لر آرزیلارلا حسرت لر ، گؤیده ساللانان حالدا
بیر نفس چکن یؤخدور ، آه! قفس چکن چؤخدور اؤخلانیب قارانقوشلار گؤیلره اوچان حالدا
هانسی سمته باش توتسون ، قورتولوش هاچان بللی ؟! اؤزگور آرزی لی اؤولار اؤولانیب قاچان حالدا
دؤزمک اولماییر باش تاپ ، بیر نفر گرک چیخسین بایراغی گونش الده ، سئوگی پارلایان حالدا
سس سیز اؤز ایچیمدن من باش اوزالدیرام یازلیم ! سؤن نفسلری تؤوشک قیش کی قورتولان حالدا
دونیا ال اله وئرمیش ، حالقا وورموش اؤزگورلوک باشلاییر یاغیر سئوگی بیرده گون چیخان حالدا
( م.ائلیاز ــ یاز ۸۸ )
|
|
+ نوشته شده در
چهارشنبه دهم تیر 1388ساعت 13:37 توسط م.ائلیاز |
|
|
بیر نئچه غزل گؤزه ل باخیشلارا ایتحاف
*ساپینگه
عؤمرو قارایام ساپینگه گل بیر یاشایاق بیر شاعیر اولوب، غزل ــ غزل بیر یاشایاق من شعریمی قوی ساچیم گولوم ساچلارینا سن عطرینی گؤستر آی گؤزه ل بیر یاشایاق گل داغ ــ دره نی آشاق تانینماز یئره کی گول عؤمروموز اولماسین خزه ل بیر یاشایاق بیرلیک چاخیرین تامسینا بیلسک کئفی لن یؤخ الده ن آمان وئرسه اجل بیر یاشایاق اؤز دونیامیزا وطن اوره ک دن یاراداخ گل بو یارانیشدا ، اولاق ال بیر یاشایاق ائلیاز جانی گول ساپینگه بو دونیامیزا بلکه گوله دونیامیزدا گل بیر یاشایاق فروردین۸۷ *ساپینگه: بیر گولون آدیدیر کی باشقا عطیری وار هند اؤلکه سینده و "صادق هدایتی"ن کیچیک داستانلارینین بیریسینده بیر قیزین آدیدیر کی اصلی رؤل اؤیناییر .................................................. *واغزال
واغزال ایچینده سنی لن ال اله هر ایکی میز ال اله چَرتان کَله بیز گئدیریک بیر قاطارا مین مه یه خوش گونوموز بلکه بیزه راس گله مین بو شه هردن گؤزونو اؤت سارا مین هله لیک اللرینی سیلکه له دیز چؤکوروب من ایکی اللی سنه پای دئمیشم بو اوره یی آل اله دونیا وفا قیلمایاجاق بیزلره سن باری قیل سئوگی باشیمدان اله دونیا قاطاردیر ائله بیل ائو کوپه ال اله وئر بیر یاشایاق بیر هله ائلیازین ایندی اوره یی باغلی دیر یؤخ سارانی هئچ وَده وئرمز سئله فروردین۸۶ *واغزال:قاطار ایستگاهی .......................................................... سئوگیناز
وطن سنسن آی سئوگیناز ، سئوگیناز بیزه قارشی دؤن ، دؤن بیر آز سئوگیناز ائویم بیر عؤموردور کی چینیمده دیر منم *چینگنه کؤنلو ساز سئوگیناز چال اؤینا سئوینجیم کده ر اولماسین ناناش ناش ناناش ائیله ناز سئوگیناز گل آیدینلیقی چای لارا پای بؤلک آپارسین سارای سیز آراز سئوگیناز سارای لار گلین آیدین اولسون وطن وطن سیز اوره ک آیناماز سئوگیناز و کؤنلومده قال قال یاشا آی وطن یاشا سئوگیناز سئوگیناز سئوگیناز فروردین ۸۵ *چینگنه: کولی
|
|
+ نوشته شده در
یکشنبه بیست و پنجم اسفند 1387ساعت 14:39 توسط م.ائلیاز |
|
|
دلی دومرول لر
دلی دومرول لری ایستیر بو ساواش لار هئی هئی کی ساواش لار أته ییندن تؤکه داش لار هئی هئی یوگوروب گزدیره شمشیرینی حوریّت اوچون دوزوله باش باشا قؤندارما بو باش لار هئی هئی ال اله الده قلم لرده قیلینج اولمالی دیر ال اله بیرده قلم داش لار آداش لار هئی هئی قول قویانلار ــ ال اله ظولمتی لن ــ ظولمه بیلین کی توکنمز ایشینیز آی ایشی یاش لار هئی هئی دلی لر آی گونشین بایراغی الده یوگورون دلی دومرول لری ایستیر بو ساواش لار هئی هئی
م.ائلیاز ــ خرداد۸۶ ...................................................................... یؤلچو
چؤره ک آغاجی دیر الی قؤلتوغوندا اتوبوسا چیخانین منبرده ن دانیشانا بنزه ییر ، نه وئریبسن آلانمیرسان؟! بؤشلو سالیر آدامی! الینی آغزینا تپه ن توپورجه یی اوزونه قاییدان یؤلسوز یؤلچو ! اسفند۷۵ ...................................................................... عصیر بالاسی
دلی جیم یامان زمانه دیر قینیندان هله چیخمایانین تاواسی / اؤددادیر ایچینه تک آدامی ترسه گلمیش زمانه نین عصیر بالاسی خرداد۸۷ .................................................................... اؤزونه قاییت
آیریلماق ایسته دین یاخامیزی جیرمادیق گئتدین سو سپمه دیک گئتدین گئتمک ده ایتیردین اؤزونو سؤز سؤزه گلنده سؤزلریمیزه قاتمادین سؤزونو *** قورد جؤوقاسیندان آیریلاندادا اؤزونو تاپار بیر سَرت قایانین باشیندا سسینی سس لرینه قاتار *** ایندی کول گؤزونه قاییت اؤزونه اسفند۸۶
|
|
+ نوشته شده در
سه شنبه سیزدهم اسفند 1387ساعت 9:59 توسط م.ائلیاز |
|
|
صفحه نخست پست الکترونیک آرشیو وبلاگ عناوین مطالب وبلاگ |
| درباره وبلاگ |
مرتضی روحی( م.ائلیاز ) دوغوم ایل: 1359 مراغا صندوق پستی: مراغه - 341_55136 ایمیل : mortezarohie@yahoo.com |
| پیوندهای روزانه |
|
جام جمیل(شعر فارسی) آرشیو پیوندهای روزانه |
| نوشته های پیشین |
|
مهر 1388 مرداد 1388 تیر 1388 اسفند 1387 |
|
RSS
|